hmong version

	Hmong Lutheran Ministry Making disciples of all Nations From many cultures - gathering in one faith!

_{Hmoob Lutheran Zoo siab tos txais koj!}

Nyob zoo...Peb yog ib pawg ntseeg Hmoob Lutheran. Peb hawm Vajtswv nrog pawg ntseeg Meslikas nyob rau lub church hu ua Luther Memorial Lutheran church nyob rau North Minneapolis, chaw nyob yog:

Luther Memorial Lutheran Church
3751 Sheridan Avenue North
Minneapolis, Minnesota 55412
Church Office (612)522-3639
ESL Office (612)522-3630

X.H. Carol Stumme

KL. Neej Yias Hawj, tus Tshaj Txoj Hmoo Zoo

KL. Npis Vaj, tus coj cov hluas

Peb muaj hawm Vajtswv txhua hnub Sunday thaum 9:30 sawv ntxov nrog cov phoojyws Melikas nyob rau hauv lub church no. Lwm yam uas peb muaj nyob rau hauv church rau peb cov hmoob muaj raws li nram qab no.

Txhua lub Sunday 11:00 a.m. - 12:00, Kawm Vaj Lugkub uake.
Txhua lub Friday 6:30 p.m. - 8:30 p.m. Cov hluas sib ntsib
Txhua lub Saturday 1:00 p.m. - 3:30 p.m. Cov menyuam tuaj kawm uake.

Peb thov caw koj tuaj nrog peb pehawm Vajtswv uake. Yog koj muaj kev nyuaj siab, log yog kev txhawj xeeb es xav kom peb tuaj thov Vajtswv pub rau koj, thov huv xov tooj tuaj rau peb raws li tus xov tooj uas tau sau los saum toj no. Thov Vajtswv foom koob hmoov rau koj.

Nyob rau nram qab no yog qee yam ntawm Lutheran Kev Ntseeg xws li: Vajtswv Txoj Lus Thov, Cov Tub Txib Kev Ntseeg, Nicene kev ntseeg:

Vajtswv Txoj Lus Thov

Peb Leej Txiv tus uas nyob puag saum ceebtsheej ntuj
Peb thov hwm Koj lub npe uas dawbhuv
Thov Koj los kav peb lub siab
Thov kom Koj tes haujlwm tiav rau hauv ntiajteb no ib yam li saum ceebtsheej ntuj ko
Thov pub zaub mov rau peb noj hnub no
Thov zam peb cov txim ib yam li peb tau zam rau lwm tus
Thov tsis txhob cia peb mus raug txojkev dag ntxias
Tiamsis thov coj peb mus kom dhau txojkev phem
Lub tebchaws, lub hwjchim, thiab txoj koob hmoov yog Koj tug mus tag ibtxhis. Asmees.

Cov Tub Txib Kev Ntseeg

Kuv ntseeg Vajtswv tus uas yog Vaj Leej Txiv tus loj kawg nkauj, tus tsim ntuj tsim teb.
Kuv ntseeg Tswv Yexus Khetos uas yog Vajtswv tibleeg Tub, tus uas tau tshwmsim los ntawm Vaj Ntsujplig uas Dawbhuv lub hwjchim thiab tau yug los ntawm tus nkauj xwb Maiv Liag.
Nws tau raug kev tsim txom ntawm Phislaj. Nws tau raug luag muab ntsia rau saum tus ntoo khaublig. Nws tau tuag thiab coj mus faus. Nws tau nqis mus rau ntuj tsaus. Hnub peb Nws tau sawv hauv qhov tuag rov qab los muaj txojsia nyob. Nws tau nce mus nyob saum ceebtsheej ntuj, mus nyob ntawm Vaj Leej Txiv, uas yog Vajtswv tus muaj hwjchim loj kawg nkaus sab tes xis. Nws yuav rov qab los ua tus Txiav Txim rau txhua tus, cov uas tseem nyob thiab cov uas tuag lawm.
Kuv ntseeg Vaj Ntsujplig tus Dawbhuv, cov ntseeg lub Tuamtsev uas dawbhuv, txojkev sib sau uake ntawm cov ntseeg, txoj kev zam txim, txojkev sawv hauv qhov tuag rov qab los, thiab yuav tau txojsia nyob ntev mus tag ibtxhis. Asmees.

Nicene Kev Ntseeg

Kuv ntseeg tib tug Vajtswv uas yog Vaj Leej Txiv tus muaj hwjchim loj kawg nkaus, tus tsim ntuj tsim teb, thiab tsim tagnrho txhua yam uas qhov muag pom thiab qhov muag tsis pom.
Kuv ntseeg Tswv Yexus Khetos, Vajtswv tib leeg Tub, tus ua los ntawm Vajtswv los ua ntej txhua yam tsav.
Nws yog los ntawm Vajtswv los.
Nws yog los ntawm qhov kaj los.
Nws yog los ntawm tus Tseem Vajtswv los.
Nws yog tus uas tsis muaj leejtwg tsim.
Nws yog tus uas koom nrog Vaj Leej Txiv uake.
Nws yog tus uas tsim ib puas tsav yam.
Nws yog tus uas los saum ntuj los cawm peb tibneeg txojsia.
Tus tau tshwmsim los ntawm Vaj Ntsujplig tus Dawbhuv thiab tau yug los ntawm tus nkauj xwb Maiv Liag.
Nws yug ua ib tug txiv neej.
Nws tau raug ntsia rau saum tus ntoo khaublig los ntawm Phislaj.
Nws tau raug tsimtxom, tuag, thiab coj mus faus.
Hnub peb Nws sawv hauv qhov tuag rov qab los raws li Vajtswv Txoj Lus qhia.
Nws tau nce mus nyob saum ceebtsheej ntuj.
Nws mus nyob ntawm Vaj Leej Txiv sab tes xis.
Nws yuav rov los ci ntsa iab nto moo lug los txiav txim rau cov tseem nyob thiab cov uas tuag lawm.
Nws lub tebchaws yeej muaj nyob mus tag ibtxhis tsis paub kawg.
Kuv ntseeg Vaj Ntsujplig tus Dawbhuv, Vajtswv tus uas muab txojsia.
Tus txawm los ntawm Vaj Leej Txiv thiab Vaj Leej Tub, tus koom nrog Vaj Leej Txiv thiab Vaj Leej Tub uas peb hawm thiab qhuas.
Nws yog tus cov xibhwb cev Vajtswv lus hais txog.
Kuv ntseeg tib Pawg ntseeg uas dawbhuv.
Kuv ntseeg tib zaug kevcai ntxuav rau txojkev zam txim.
Kuv tos ntsoov rau hnub uas cov tuag yuav sawv rov qab los thiab yuav tau txojsia mus nyob rau lub ntuj tshiab uas tseem yuav los. Asmees.

Return to top